قصيدة كاسب اعجابك

قصيدة كاسب إعجابك
. يا صاحبي قمت أجر الصوت بغيابك
وأسوق الأعذار عنك وأنت ناسيني .
. أفك باب الوصل وتصك لي بابك
ماكان هذا العشم إنك تخليني .
. يا ليت شوقٍ بقلبي يوم ينتابك
عشان تعرف غلاك شلون يعنيني .
. أشتقت لمعاندك وأشتقت لعتابك
وأشتقت لأيديك يوم تصافح يديني .
. أمزح معك يوم كنت أوتر أعصابك
أثري جرحت الخفوق بحد سكيني .
. حتى خذاك الزعل مني ولا جابك
وأنا أنتظر رجعتك عشان ترضيني .
. فتحت عيني وشفت الشوق متشابك
يا ليتني ما فتحت بغيبتك عيني .
. آخذك من عالم الأحزان وأرقابك
وألقى عن الضيق بعيونك عناويني .
. يا آخر أحباب "خالد" وين قفَابك
وقتك وخلاك تلغي راحت سنيني .
. لو ما سمعت أنت مغتابي ومغتابك
ما كان يقدر يفرق بينك وبيني .
. لكنْ غيض المشاعر عني أقفابك
وأنا الكرامه عن المقفين تثنيني .
. بيتٍ بقوله وأبيه يزيَن أكتابك
عشان في غيبتك عنَي تطريني .
. من غيري اللى بشعره كاسب أعجابك
واليوم من غبت طاح الشعر من عيني .
قم بالدخول لتعلق.